Հարցեր և առաջադրանքներ
- Ինչո՞վ է մարդը տարբերվում կենդանիներից:
Ի տարբերություն կենդանիների՝ մարդիկ բանական էակներ են, որովհետև կարողանում են մտածել, խոսել և ստեղծել գործիքներ, սարքեր։ - Ինչ չափով է մարդը կախված բնությունից: Բեր օրինակներ:
Առանց բնության բարիքների մարդը չի կարող ապրել։ Մարդու գոյատևման համար անհրաժեշտ է ջուր, ջերմություն, օդ, սնունդ՝ բուսական և կենդանական ծագման։ Բուսական սնունդն ստանալու համար մարդիկ մշակում են դաշտեր, աճեցնում են տարբեր տեսակի բույսեր, բանջարեղեն, հացահատիկ։ Իսկ կենդանական ծագման սնունդ ստանալու համար մարդիկ ընտանի կենդանիներ են պահում, ջրային կենդանիներ և թռչուններ են որսում։ - Ինչպե՞ս է մարդը ներգործում բնության վրա: Բե’ր օրինակներ:
Իր կարիքների համար մարդը կարող է օգտագործել փայտանյութ, տարբեր տեսակի հանքանյութեր՝ գունավոր և թանկարծեք մետաղներ։ Դրա համար մարդիկ անտառներ են հատում, լեռներ են պայթեցնում, կենդանիներ են որսում։ - Ինչպե՞ս է մարդը պահպանում բնությունը: Բեր օրինակներ: Բնական պաշարներն օգտագործելուց բացի պետք է նաև աշխատել դրանք նորից վերականգնել։ Օրինակ, ընտանի կենդանիներին բազմացնել, կերակրել, խնամել, մշակաբույսեր աճեցնել։ Պետք է նաև կտրված ծառերի կամ հրդեհներից ոչնչացված անտառների տեղերում նորից ծառեր տնկել, վերականգնել բնությունը։ Շատ կարևոր է նաև պահպանել Կարմիր գրքում գրանցված կենդանիներին և բույսերին։